Shahi Paneer Recipe Steps in Hindi
Paneer toh sabhi ko bahut pasand aata hai aur saath he saath bahut paushtik bhi hota hai, paneer se kai tarah ke vyanjan banae jaate hain jisamen hain kaee prakaar ke snaks, sabjiya ityaadi aaj ham yahaan par banaenge, shahi paneer.
Shahi paneer, Indian vyanjan, mein se ek sabase lok priy vyanjan hai ise bade se bade restorent se lekar chhote-chhote dhaabe sabhee jagah par banaaya jaata hai | ise roti, Paratha, and nan aur yahaan tak ki kuchh log to ise plen chawal ke saath bhi khaana pasand karate hain.
Shahi paneer, ka ek dam creme test hota hai tatha ise banaane mein kai tarah ke masalo tatha dray foods ka istemaal kiya jaata hai, isaka swad to aisa hota hai ki koi bhi ise khaane se apane aap ko rok nahin paata hai.
Shahi paneer, jaisa ki naam se he pata chalata hain, yah bahut he shahi sabji hain jisame kaju ka pest daalkar aur creem daalkar paneer ke bahut he testy sabjee banaaye jaati hain, ise vivaah, shaadi, party mein banaaya jaata hain shahi paneer ko har chhote mote program me bhi banaaya jaata hain.
Paneer doodh ko phad kar banaya jaata hain, ise dahee ya nimboo ke ras se phada jaata hain, jisase ghar par asani se taiyaar ho jaata hain, vaise to market mein halwai ki dukaan par bhi paneer mil jaata hain aur amul aadi companion ke paneer aapko market mein asani se mil jaate hain, isase bhi aap shahi paneer bana sakate hain, maine is recipe mein bahut hee saadharan tarike se har step ko bataaya hain, jisase aap shahi paneer bahut he aasaani se bana sakenge saath he hamane ghar mein rakhe samaan ka he kafi had tak prayog kiya hain.
Mujhe mere readers bahut baar kahate hain ke, Shahi paneer, to ham bana to lete hain par jo swad aana chaahie vo nahin aata, unake jyadatar prashn hote hain shahi paneer kaise banaate hain, shahi paneer banaane ka sahi tareeka bataen , shahi paneer banaane ke vidhi bataen to unheen sab ko dhyaan mein rakhate hue aaj ham banaenge bilkul restorent stail shahi paneer to chaliye shuru karate hain shahi paneer kee recipe sabase pahale dekh lete hain shahi paneer banaane ke liye isakee samagri.
desi ghee – 2 tbsp
jeera – ½ tsp
badi elaichi – 1
green elaichi – 2.
dal cheenee – 2
pyaaj – 2
kaaju – 14 to 15
lahasun kee kaliyaan – 4 to 5
tamaatar – 3
hari mirch – 1
adarak – 2 inch approx
haldi powder – ½ tsp
laal mirch powder – ½ tsp
dhaniya powder – ½ tsp
namak – ¾ tsp
garam masaala – ½ tsp
kasoori methi – ½ tsp
chini – ½ tsp
phresh creem – 2 tsp
paneer – 250 gm
doodh – 1 gilaas (200 ml approx)
Vidhi
1 – Ek kadhai (pan) len aur use gais par rakhen, usamen desi ghee daalen (2 tbsp) | shahi paneer mein desi ghee daalane se isaka swad aur bhi ubhar kar aata hai,aap chaahe to oyal ka bhi istemaal kar sakate hain.
2 – Jab ghee pighal jae to isamen jeera (½ tsp), ek badee elaichi, do haree elaichi ( halka sa krash karake) tatha do dalchini ke tukade daalkar in sabhi ko halka sa bhon le.
3 – Ab pyaaj (2), kaaju (14 to 15) tatha lahasun ki kaliyaan (4 to 5) ko lekar aap in sabhi ko ek saath baarik pees le aur is pest ko kadhai mein daalen tatha achche se mix karake medium phlegm par lagaataar chalaate hue boonen.
4 – Pyaaj bhun gaya hai aur upar-upar kadhai mein ghee bhi dikhane laga hai | ab isamen tamaatar ke pyare banaakar daalenge, tamaatar ke pyare banaane ke lie teen tamaatar, ek hari mirch tatha lagabhag 2 inch adarak ka tukada lekar in sabhi ko ek saath baareek pees len tatha kadhai mein daalen aur acche se mix karen.
5 – isake baad isamen haldi powder (½ tsp), laal mirch powder (½ tsp), dhaniya powder (½ tsp), namak (¾ tsp) tatha garam masaala (½ tsp) daalen tatha ise chalaate hue 1 minat tak pakayen.
6 – Ab isamen kasoori methee (½ tsp) ( donon hatheliyon ke beech mein thoda ragad kar ) daalen saath he isamen cheeni (½ tsp) daalen tatha mix karen.
7 – Ab isamen fress creem (2 tsp) daalen aap chaahen to iskee maatra thoda badha bhi sakate hain aur isake jagah aap ghar ke fress malai ka istemaal bhi kar sakate hain ab acche se mix karen.
8 – 250 graam paneer ko kyub (chubais) mein kat kar len tatha kadhai mein daalen ise 1 minat tak halke haath se chalan jisase paneer par masaale ki acche se parat ban jaye.
9 – Ab isamen doodh daalen tatha phlem ko tej karake ise lagaataar chalaate rahen jab tak ki isamen ubaal na aa jaye.
10 – Jab sabjee mein ubaal aa jae tab tab phlem ko halka kar den tatha dhak kar 5 se 7 minat tak pakaye.
11 – isake baad isamen thoda sa kata hua hara dhaniya daalenge tatha acche se mix karenge.
lijiye, shahi paneer recipe, bankar taiyaar hai yah khaane mein itana laajavaab hai ki aap sabhi ungaliyaan chaatate rah jaenge.
Serve Karen
ise garam garam puri, paraathe tatha nan ke saath khaane mein sarv kar sakate hain.
FAQ
Q 1. Kya shahi paneer ko bina pyaaj tatha lahasun ke bhi bana sakate hain?
Ans. Jee haan, bina pyaaj tatha lahasun ke bhee bana sakate hain aap isamen peese hue kaajoo kee maatra badha len jisase grave gaadhi ho jaayegi.
Q 2. Shahi paneer doodh se bane paneer ki jagah kuchh aur daal sakate hain kya?
Ans. Aap isamen topo paneer ka bhi istemaal kar sakate hain.
Q 3. Kya shahi paneer mein chini daalna jaroori hain?
Ans. Shahi paneer mein halkee mithaas hotee hai isliye halki see chini daalane se shahi paneer mein yah mithaas aa jaati hain | isee tarike se shahi paneer banata hain, lekin yadi aapako mithaas nahin pasand hain to chini bilkul bhi na daalen.
Special tip
Shahi paneer recipe, mein creem ke jagah malai ka istemaal karen jo ghar mein asani se mil jaate hain aur isase test bhi accha aata hain.
Shahi paneer, mein yadi ham paani ke jagah doodh ka istemaal karate hain to isaka test bahut badhiya aata hain.
Shahi paneer, mein doodh se bane paneer ke jagah topo paneer ka bhi istemaal kar sakate hain lekin doodh se bane paneer se test jyaada badhiya aur creemee test aata hain.
